DD News Gujarati

DDNews Feeds
PM મોદીની વારાણસીને ભેટ, 2200 કરોડના કામોનું શિલાન્યાસ અને લોકાર્પણ કર્યું

વડાપ્રધાન નરેન્દ્ર મોદીએ વારાણસીમાં અંદાજે ₹2200 કરોડના ખર્ચે થનારી અનેક વિકાસાત્મક યોજનાઓનું શિલાન્યાસ અને લોકાર્પણ કર્યું છે. આ યોજનાઓમાં શિક્ષણ, આરોગ્યસેવા, પ્રવાસન, શહેરી વિકાસ અને સાંસ્કૃતિક વારસાને લગતી અનેક કામગીરીઓનો સમાવેશ થાય છે. વડાપ્રધાને દેશભરના 9.7 કરોડથી વધુ ખેડૂતો માટે ‘કિસાન સન્માન નિધિ’યોજના અંતર્ગત 20મો હપ્તો પણ ખેડૂતોના ખાતામાં જમા કરાવ્યો.

વારાણસીમાં યોજાયેલા કાર્યક્રમમાં ઉત્તર પ્રદેશના મુખ્યમંત્રી યોગી આદિત્યનાથે વડાપ્રધાન નરેન્દ્ર મોદીને અભિનંદન પાઠવ્યાં. આ પ્રસંગે મુખ્યમંત્રીએ વડાપ્રધાનને ‘શિવલિંગ’નું સ્મૃતિચિહ્ન ભેટમાં આપ્યું. કાર્યક્રમમાં રાજ્યના ઉપમુખ્યમંત્રી બ્રજેશ પાઠક, કેશવ પ્રસાદ મૌર્ય સહિત અનેક કેબિનેટ મંત્રીઓ અને જનપ્રતિનિધિઓ હાજર રહ્યા. મુખ્યમંત્રી યોગી આદિત્યનાથે જણાવ્યું કે, “હું શ્રાવણના પાવન સમયે વડાપ્રધાનનું હાર્દિક સ્વાગત અને અભિનંદન કરું છું, જે ન માત્ર કાશીના સાંસદ છે પરંતુ શહેર માટે તેમની લાગણીએ કાશીને વૈશ્વિક ઓળખ અપાવી છે.” મુખ્યમંત્રીએ વડાપ્રધાનની પ્રશંસા કરતા કહ્યું કે તેઓ વિશ્વના સૌથી લોકપ્રિય નેતા છે. તેમણે કહ્યું, “તમે જોયું હશે કે છેલ્લા 11 વર્ષમાં 4 ડઝનથી વધુ દેશોએ વડાપ્રધાનને તેમના સર્વોચ્ચ નાગરિક સન્માનથી નવાજ્યા છે. આખો વિશ્વ જનકલ્યાણ અને વિશ્વહિત માટેની તેમની દ્રષ્ટિના વખાણ કરે છે.”

મુખ્યમંત્રીએ જણાવ્યું કે, “વડાપ્રધાન નરેન્દ્ર મોદીએ નવા ભારતના વિકાસ માટે વિઝન આપ્યું છે. એ આપણી સૌની ખુશનસીબી છે કે દેશની સંસદમાં તેઓ કાશીનું પ્રતિનિધિત્વ કરે છે. આજે કાશી માટે ₹2200 કરોડની યોજનાઓના ભેટરૂપે તેઓ અહીં આવ્યા છે.” મુખ્યમંત્રીએ ઉમેર્યું, “આ પહેલો અવસર છે જ્યારે કોઈ વડાપ્રધાન પોતાના મતવિસ્તારમાં 51મી વખત હાજર રહ્યા છે. છેલ્લા 11 વર્ષમાં વારાણસી માટે ₹51,000 કરોડની યોજનાઓ મંજૂર થઈ છે, જેમાંથી ₹34,000 કરોડની યોજનાઓનું લોકાર્પણ થઈ ચૂક્યું છે. બાકીની ₹16,000 કરોડથી વધુની યોજનાઓ હાલમાં પ્રગતિમાં છે.”

➖ @ddnews_gujarati ➖

DDNews Feeds
ગાંધીનગરનો આજે 61મો સ્થાપના દિવસ, CMની અધ્યક્ષતામાં ખાસ કાર્યક્રમ યોજાયો

મુખ્યમંત્રી ભુપેન્દ્ર પટેલે  શહેરી વિકાસ વર્ષ ૨૦૨૫માં  રાજ્યના મહાનગરો અને નગરોને પોતાના આગવા વિકાસ વિઝન સાથેના રોડ મેપ  તૈયાર કરીને તેના અમલ માટેના ટાઈમ બાઉન્ડ પ્લાનિંગ માટે  પ્રેરક આહ્વાન  કર્યું છે. આ સંદર્ભમાં તેમણે કહ્યું કે આવા વિકાસ વિઝનની શ્રેષ્ઠતાની સ્પર્ધાઓ થાય અને ગુજરાતના શહેરો શહેરી વિકાસમાં દેશનું દિશા દર્શન કરનારા બને એવી આપણી નેમ છે. મુખ્યમંત્રી રાજ્યના પાટનગર ગાંધીનગરના ૬૧માં સ્થાપના દિવસ અવસરે ગાંધીનગર મહાનગર પાલિકાના વિકાસ વિઝન ના લોન્ચિંગ અવસરે અધ્યક્ષીય સંબોધન કરી રહ્યા હતા. મુખ્યમંત્રીએ ગાંધીનગર ને સ્વછતા સર્વેક્ષણમાં તાજેતરમાં રાષ્ટ્રીય સ્તરે સન્માન મેળવવાના પાયા માં  રહેલા સ્વછતા કર્મીઓનું સન્માન પણ કર્યું હતું. તેમણે કહ્યું કે ગાંધીનગરે ગ્રીન સિટી સાથે હવે ક્લીન સિટી નું બિરૂદ મેળવ્યું છે તે જાળવી રાખવાની સૌની સહિયારી જવાબદારી બની  રહે છે.

મુખ્યમંત્રીએ સ્પષ્ટપણે જણાવ્યું કે  વડાપ્રધાન નરેન્દ્રભાઈ મોદીએ તત્કાલીન મુખ્યમંત્રી તરીકે ૨૦૦૫માં શહેરી વિકાસ વર્ષની ઉજવણી કરીને શહેરી વિકાસની આખી પરિભાષા બદલી નાખીને હોલીસ્ટિક સિટી ડેવલપમેન્ટનો નવતર અભિગમ આપ્યો છે. એટલું જ નહિ ,નળ ગટર અને રસ્તાની સુવિધાથી આગળ વધીને નાગરિકલક્ષી સેવાઓ ટેકનોલોજીના ઉપયોગથી વિસ્તારવાની દિશા આપી છે.  વધુમાં તેમણે ઉમેર્યું કે શહેરી વિકાસ વર્ષ ૨૦૦૫ની આ ઉજવણીની સફળતાથી રાજ્યના શહેરો પ્રાણવાન અને ઉર્જાવાન બન્યા છે તથા અર્બન ડેવલપમેન્ટનો નવો નકશો કંડારાયો છે. ભુપેન્દ્ર પટેલે કહ્યું કે શહેરી વિકાસની બે દાયકાની સિદ્ધિઓ અને સફળતાને પગલે આપણે હવે વર્લ્ડ ક્લાસ  સિટી ડેવલપમેન્ટની નેમ સાથે  શહેરી વિકાસ વર્ષ ૨૦૨૫ ઉજવી રહ્યા છીએ. આ હેતુસર રાજ્યના અર્બન ડેવલપમેન્ટ બજેટમાં આ વર્ષે ૪૦ ટકાનો વધારો કરીને ૩૦ હજાર કરોડ રૂપિયા ફાળવ્યા છે તેમ તેમણે ઉમેર્યું હતું.

મુખ્યમંત્રીએ વડાપ્રધાન નરેન્દ્રભાઈ મોદીએ વિકસિત ભારત ૨૦૪૭નો જે સંકલ્પ કર્યો છે તેને  રાજ્યના શહેરો સ્માર્ટ અને સસ્ટનેબલ સિટી ડેવલપમેન્ટથી સાકાર કરશે તેવી અપેક્ષા વ્યક્ત કરી હતી. તેમણે દેશના વિકાસના  આ અમૃત કાળમાં  કેચ ધ રેઇન માટે મોટા પાયે જળ સંચય અને સંગ્રહ માટે  અને અર્બન ફોરેસ્ટ વધારીને તેમજ એક પેડ માં કે નામ દ્વારા ગ્રીન કવર વધારવાની અપિલ કરી  હતી. પર્યાવરણ જાળવણી સાથેના વિકાસ માટે હિમાયત કરતાં મુખ્યમંત્રીએ સોલાર રુફ્ટોપ અને વધુને વધુ ઇ-મોબિલીટી અપનાવવા પણ અનુરોધ કર્યો હતો.

➖ @ddnews_gujarati ➖

DDNews Feeds
ભારત પર જે વાર કરશે, એ પાતાળમાં પણ બચી શકશે નહીં: PM મોદી

વડાપ્રધાન નરેન્દ્ર મોદીએ ‘ઓપરેશન સિંદૂર’ પર પ્રશ્ન ઉઠાવનાર કોંગ્રેસ અને સમાજવાદી પાર્ટી પર કડક પ્રહાર કર્યો. તેમણે કહ્યું કે એ લોકોને ઓપરેશનના નામથી તકલીફ થાય છે. પીએમ મોદીએ સાફ શબ્દોમાં કહ્યું કે “ભારત પર જે વાર કરશે, એ પાતાળમાં પણ બચી શકશે નહીં.” શનિવારે પીએમ મોદીએ વારાણસીના સેવાપુરમાં ₹2183.45 કરોડની 52 વિકાસ યોજનાઓનું લોકાર્પણ અને શિલાન્યાસ કર્યું. સાથે જ તેઓએ દેશના 9.70 કરોડથી વધુ ખેડૂતોના ખાતામાં 'પીએમ કિસાન સન્માન નિધિ'નો 20મો હપતો જમા કરાવ્યો.

આ પ્રસંગે પીએમ મોદીએ વિરોધ પક્ષ પર નિશાન સાધતાં કહ્યું, “દુઃખદ બાબત છે કે ઓપરેશન સિંદૂરની સફળતાથી આપણા દેશના કેટલાક લોકોને પેટમાં દુઃખાવો થાય છે. કોંગ્રેસ અને તેમના સાથીદારો એ હકીકત હજમ કરી શકતા નથી કે ભારતે પાકિસ્તાનના આતંકી ઠેકાણાઓને નાશ કરી દીધા.” તેઓએ ઉમેર્યું કે આજે મહાદેવની નગરીમાં વિકાસ અને જનકલ્યાણના ઘણાં કાર્યો થયા છે. “શિવ એટલે કલ્યાણ, પણ શિવનું એક બીજું રૂપ પણ છે – રોદ્ર રૂપ. જ્યારે આતંક અને અન્યાય સામે આવે છે, ત્યારે મહાદેવ રોદ્રરૂપ ધારણ કરે છે. ઓપરેશન સિંદૂર દરમિયાન દુનિયાએ ભારતનું એ જ રૂપ જોયું છે.”

પીએમ મોદીએ કહ્યું, “ભારત પર જે વાર કરશે, એ પાતાળમાં પણ બચી શકશે નહીં.” તેમણે સ્પષ્ટ કહ્યું, “કોંગ્રેસ ઓપરેશન સિંદૂરને ‘તમાશો’ કહી રહી છે. શું સિંદૂર ક્યારેય તમાશો બની શકે છે? શું આતંકવાદીઓને મારી નાંખવા માટે પણ કોઈ પાર્ટીની પરવાનગી લેવી પડે?” તેમણે ઉત્તર પ્રદેશમાં તૈયાર થતી મિસાઇલનો ઉલ્લેખ કરતાં કહ્યું, “હું યૂપીનો સાંસદ છું અને મને ગર્વ છે કે બ્રહ્મોસ મિસાઇલ હવે લખનઉમાં તૈયાર થશે. જો પાકિસ્તાન ફરી પાપ કરશે, તો યૂપીમાં બનેલી મિસાઇલો આતંકીઓને તબાહ કરશે.” આ સાથે પીએમ મોદીએ કહ્યું, “યૂપી આજે વિકાસ કરી રહ્યું છે, કારણ કે અહીં ભાજપની સરકાર છે. અહીના અપરાધીઓમાં હવે ડર છે. અને મારું વિકાસ મંત્ર છે: ‘જે તેટલું વધુ પછાત, એને તેટલી વધારે પ્રાથમિકતા.’”

➖ @ddnews_gujarati ➖

DDNews Feeds
'ભારત વિરોધી છે રાહુલ ગાંધીના નિવેદન': કિરણ રિજિજુ

કિરન રિજિજુએ એક પ્રેસ કોન્ફરન્સમાં કહ્યું, "સંસદના માનસૂન સત્રના પ્રથમ દિવસે જ વિરોધ પક્ષે હંગામો શરૂ કર્યો હતો. વિરોધ પક્ષની માંગ પર 'ઓપરેશન સિંદૂર' પર ચર્ચા કરવામાં આવી અને તેમાં તમામ પક્ષોએ ભાગ લીધો. જ્યારે કોઈ વિષય પર ચર્ચા પૂરી થાય છે, ત્યારે અલગ-અલગ પક્ષો દ્વારા નોટિસ આપવામાં આવે છે, પરંતુ ચર્ચા શરૂ થતાની સાથે જ તેઓ વેલમાં ઉતરી જાય છે. વિરોધ પક્ષ સંસદ ચાલવા દેતું નથી અને પછી આક્ષેપ કરે છે કે તેમને બોલવા મળતું નથી. હું આ ખોટા આક્ષેપોની નિંદા કરું છું."

રિજિજુએ રાહુલ ગાંધીની ટીકા પણ કરી. તેમણે કહ્યું, "રાહુલ ગાંધી વારંવાર ભારતવિરોધી નિવેદન આપી રહ્યા છે, જે યોગ્ય નથી. અનેક વિરોધ પક્ષના નેતાઓએ પણ આ નિવેદનોની નિંદા કરી છે. કોઈ પણ વ્યક્તિ ભારતની અર્થવ્યવસ્થા અથવા પ્રતિષ્ઠા વિરુદ્ધ અપમાનજનક ભાષા નહી વાપરે. રાહુલ ગાંધી બાળકો નથી, તેઓ વિરોધ પક્ષના નેતા તરીકે સમજી શકે કે દેશવિરુદ્ધ નિવેદન આપવું કે સંસદનું કામ અટકાવવું યોગ્ય નથી."

કેન્દ્રિય મંત્રી કિરન રિજિજુએ સંસદની કામગીરી અંગે માહિતી આપી અને કહ્યું: "બન્ને સદનોને સોમવાર સુધી સ્થગિત કરવામાં આવ્યા છે. હું પહેલેથી કહું છું કે તેનો સૌથી મોટો નુકસાન વિરોધ પક્ષના સાંસદોને થાય છે. સરકાર જનતા આશીર્વાદથી અને નરેન્દ્ર મોદીजीના નેતૃત્વ હેઠળ મજબૂતીથી કામ કરી રહી છે. પરંતુ સંસદ નહીં ચાલવાથી સૌથી વધુ નુકસાન વિરોધ પક્ષના સાંસદોને થાય છે. તેઓ લોકોના પ્રશ્નો ઊઠાવી શકતા નથી."

તેમણે વધુમાં કહ્યું: "સંસદ ના ચાલવાથી વિરોધ પક્ષના મુદ્દાઓ ઉઠાવવામાં આવતા નથી. જે નિયમો અંતર્ગત ચર્ચાની મંજૂરી છે, તેઓ એ નિયમો હેઠળ ચર્ચા કરતા નથી." એસઆઈઆર (SIR) પર ચર્ચાની વિરોધ પક્ષની માંગ પર, રિજિજુએ કહ્યું: "હું સ્પષ્ટ કરવા માંગુ છું કે સરકાર કોઈપણ મુદ્દે નિયમો અનુસાર ચર્ચા કરવા તૈયાર છે. પરંતુ SIR પર ચર્ચા શક્ય નથી, કારણ કે તે એક બંધારણીય સંસ્થાના દ્વારા થતી પ્રક્રિયા છે અને એવું પ્રથમ વખત નથી થઈ રહ્યું."

➖ @ddnews_gujarati ➖

DDNews Feeds
'ધ ઓવલ' ટેસ્ટ: ભારતની પ્રથમ ઇનિંગ 224 રન પર સમેટાઈ

‘દ ઓવલ’ ટેસ્ટના બીજા દિવસેના પ્રથમ સત્રના પ્રારંભિક ઓવરમાં જ ભારતીય ટીમ પ્રથમ ઇનિંગમાં 224 રન પર ઓલઆઉટ થઈ ગઈ હતી. ઇંગ્લેન્ડ તરફથી ગસ એટકિન્સને 5 વિકેટ ઝડપી. ભારતે બીજા દિવસની શરૂઆત 6 વિકેટે 204 રનથી કરી હતી. કરુણ નાયર 52 રન પર અણનમ હતા. થોડા ઓવરો બાદ 218ના સ્કોરે નાયરનો વિકેટ પડ્યો. તેમણે 57 રન બનાવ્યા અને જોશ ટંગના હાથે આઉટ થયા. તેમના સાથે રમતાં વોશિંગ્ટન સુંદર પણ 26 રન બનાવ્યા બાદ આઉટ થયા. ત્યાર બાદ બાકી બેટ્સમેન ઝડપથી પેવેલિયન પરત ફરી ગયા અને આખી ભારતીય ઇનિંગ 224 રન પર સમાપ્ત થઈ.

મુહમ્મદ સિરાજ અને પ્રસિદ્ધ કૃષ્ણા શૂન્ય પર આઉટ થયા જ્યારે આકાશદીપ 0 રને અણનમ રહ્યા. પ્રથમ દિવસે ભારતનો ટોચનો ક્રમ સંપૂર્ણપણે ભાંગી પડ્યો હતો. યશસ્વી જાયસવાલ 2 અને કેએલ રાહુલ 14 રન બનાવી આઉટ થયા હતા. સાય સુધર્શન 38, शुभમન ગિલ 21 (રનઆઉટ), રવિન્દ્ર જાડેજા 9 અને ધ્રુવ જુરેલ 19 રન બનાવી પેવેલિયન પરત ફરી ગયા હતા.

ઇંગ્લેન્ડ તરફથી ગસ એટકિન્સને અભૂતપૂર્વ બોલિંગ કરી. તેમણે 21.4 ઓવરમાં માત્ર 33 રન આપીને 5 વિકેટ ઝડપી. જોશ ટંગે 3 અને ક્રિસ વોક્સે 1 વિકેટ લીધા. સમાચાર લખાતાં વખતે ઇંગ્લેન્ડે પોતાની પ્રથમ ઇનિંગ આક્રમક રીતે શરૂ કરી હતી અને 10 ઓવરમાં વિના વિકેટે 76 રન બનાવ્યા હતા. ભારતીય ટીમ સીરિઝમાં 1-2થી પાછળ છે. સીરિઝને બરાબરી પર લાવવી હોય તો ભારત માટે આ ટેસ્ટ મેચ જીતવી અત્યંત જરૂરી છે. માટે ભારતીય ટીમે ઇંગ્લેન્ડને ઝડપથી ઓલઆઉટ કરવું પડશે.

➖ @ddnews_gujarati ➖

DDNews Feeds
RBI હજુપણ વ્યાજ દરો રાખી શકે છે સ્થિર: રિપોર્ટ

ભારતીય રિઝર્વ બેંક (આરબીઆઈ) 6 ઑગસ્ટે યોજાનારી મુદ્રા નીતિ સમિતિ (એમપીસી)ની બેઠકમાં રેપો રેટમાં કોઇ ફેરફાર નહીં કરે એવી શક્યતા છે. આ માહિતી શુક્રવારે આવેલી એક રિપોર્ટમાં જણાવાઈ છે. એચએસબીસી ગ્લોબલ ઇન્વેસ્ટમેન્ટ રિસર્ચની રિપોર્ટ અનુસાર, વૈશ્વિક બજારની અનિશ્ચિતતા અને શુલ્ક સંબંધિત ચિંતાઓ વચ્ચે, આગામી ત્રણ ત્રિમાસિક સમયમાં ભારતમાં જીડીપી 7 ટકા રહે તેવી ધારણા છે, જે હાલના અંદાજથી વધુ છે.

વિશ્લેષકોએ જણાવ્યું કે જીડીપી ડિફ્લેટરમાં WPI પર આધારિત મોંઘવારી વધુ છે. રિપોર્ટમાં જણાવાયું છે કે, “આવી સ્થિતિમાં વર્ષ 2026ના જૂન, સપ્ટેમ્બર અને ડિસેમ્બરના ત્રિમાસિક ગાળામાં હકીકતમાં જીડીપી વૃદ્ધિ દર આશરે 7 ટકા રહે તેવી શક્યતા છે, જે જમીન સ્તરે જોતા અમારા અંદાજ કરતાં વધુ છે.” વિશ્લેષકો કહે છે કે લાંબા ગાળે કોર્પોરેટ પરિણામોમાં સુધારો જોવા મળી શકે છે.

રિપોર્ટમાં જણાવાયું છે કે, “વ્યાપક આર્થિક દૃષ્ટિએ, જૂનમાં નૉમિનલ જીડીપી વૃદ્ધિમાં આવેલી નબળાઈ કોર્પોરેટ પરિણામોમાં પણ જોવા મળી છે. અમારા અંદાજ પ્રમાણે, આ નબળાઈ — જે ભાગરૂપે ઘટતી કિંમતોના પરિણામે છે — ડિસેમ્બર ત્રિમાસિક ગાળે સુધી રહેવાની શક્યતા છે. સારી વાત એ છે કે, સમય જતાં ઇનપુટ ખર્ચમાં ઘટાડો થવાથી કોર્પોરેટ નફાકારકતા વધી શકે છે.” જોકે ઔપચારિક ક્ષેત્રમાં મજબૂત વૃદ્ધિ પછી મંદી જોવા મળી છે, જ્યારે અનૌપચારિક ક્ષેત્રમાં સુધારાની અસર દેખાઈ છે, જેના કારણે વૃદ્ધિના ટ્રેન્ડ અંગે સંશય ઊભો થયો છે.

જૂનના આંકડા નિરાશાજનક રહ્યા છે, જેના કારણે અનિશ્ચિતતા વધી છે. રિપોર્ટમાં જણાવાયું છે કે, હજી પણ જોવાનું બાકી છે કે આ વહેલી વરસાદની અસર હતી કે પછી એક નવા ટ્રેન્ડની શરૂઆત છે. અનૌપચારિક ક્ષેત્રમાં આવકમાં સુધારા સાથે વપરાશ રુણોની માંગમાં ઘટાડો આવી શકે છે. લોન વૃદ્ધિ બંને તરફથી અસર પામી રહી છે. આરબીઆઈ દ્વારા આપવામાં આવેલી છૂટથી થોડીક મદદ મળી છે, પરંતુ ઔપચારિક ક્ષેત્ર માટેની નીતિગત સુધારા વધુ અસરકારક સાબિત થઈ શકે છે.

મોંઘવારી અંગે રિસર્ચ વિભાગે જણાવ્યું કે નાણાકીય વર્ષ 2026માં સરેરાશ મોંઘવારી દર 3 ટકા અને 2027માં 5 ટકા રહે તેવી શક્યતા છે, એટલે સરેરાશે 4 ટકા રહેવાની શક્યતા છે. સોનાને બાદ કરતાં મુખ્ય મોંઘવારી દર પણ આશરે 4 ટકા આસપાસ છે અને ગયા વર્ષે તેમાં ખાસ ઘટાડો થયો નથી. મૂળભૂત મોંઘવારી દર આરબીઆઈના 4 ટકા લક્ષ્ય જેટલો જ છે.

➖ @ddnews_gujarati ➖